Sa., 19. Aug.
|Cumpadials
Fiera ord la cofra
Eis ti denter 6 e 99 onns vegls/veglia? Has ti tschaffen dad esser per in di marcadont/a? Lu pachetescha tia valischa e neu ils 19-8-2023 alla fiasta a Cumpadials.
Datum e liug
19. Aug. 2023, 11:00 – 16:00
Cumpadials, Cumpadials, 7176 Somvix, Schweiz
Informaziuns
Temps da fiera: allas 11.00 tochen las 16.00 uras
Naven dallas 9.00 sas ti drizzar en tiu «stan », pia drizzar en tia cofra.
Ti drovas ina meisetta per postar sissu tia valischa. In parisol da sulegl ed ina sutga pren forsa era.
Ei l’aura malguessa ha la fiera ord la cofra liug en sala da scola e ti drovas lu negina meisa ni parisol da sulegl. Las meisas mettan las organisaturas a disposiziun.
Per buca concurrenzar l’ustria sil plaz desista da vender glatsch, bubrondas, crepes, snacks eav. Engraziel per tia capientscha.
Per saver reservar tiu plaz duvrein nus tia annunzia tochen ils 12-8-2023.
Indichescha era cuortamein tgei che ti vendas.
Annunzias prendan bugen encunter:
Cornelia: 079 740 91 64
Barbara: 079 304 13 34
Cuosts
Cun CHF 5.– (affons) e CHF 15.– (carschi) eis ti dalla partida alla fiera ord la cofra
Sin ina grondiusa emprema fiera ord la cofra en Surselva selegran
Uniun da dunnas VINAVON ed Uniun da Cultura e sport Cumpadials