Cuser cun pfiff – cun Husqvarna, Bernina ni Pfaff

Parter il plascher vid lavurs manilas, guder la cumpignia mo era empruar ora enzatgei niev, quei ein las finamiras dallas mesjamnas creativas.

Per quater seras stat il cuser cun maschina el focus. Sut la egida da Manuela Berther-Duff neschan shoppers, teigias plumatschs ni sets era el stil dad upcycling. Havein nus svegliau tiu interess? Lu s’annunzia bugen per quei cuors. Ti sas era separticipar mo a singulas seras.

Datums: 14-1-2026 / 21-1-2026 / 11-2-2026 / 18-2-2026

Liug: vischnaunca Sumvitg, dapli infos suondan

Cuosts: CHF 50.– per sera (per commembras dall‘uniundunnas VINAVON CHF 25.– per sera)